Deur Mariëtte Odendaal
Bestuur vanjaar jul kerkgeboue en huise energie-doeltreffend
Die idee van rentmeesterskap (Genesis 2:15) moedig ons aan om as gelowiges verantwoordelikheid vir ons omgewing te aanvaar. Deur bedag te wees op ’n energie-doeltreffende lewenswyse, sorg ons op ‘n direkte manier vir die skepping en bespaar ons terselfdertyd koste.
WAT KAN ONS DOEN?
Volg gerus hierdie paar praktiese wenke ten opsigte van kerkgeboue:
Beligting
- Vervang ou gloeilampe met LED-ligte wat tot 80% minder energie gebruik en langer hou.
- Gebruik bewegingsensors in ruimtes soos gange en badkamers om ligte outomaties af te skakel.
Sonkragstelsels
- Installeer sonpanele om elektrisiteitskoste te verlaag.
- Begin met basiese stelsels wat ligte en kleiner elektriese toestelle kan aandryf, en brei later uit.
Toestel-effektiwiteit
- Skakel toestelle soos projektors en klanktoerusting af wanneer dit nie gebruik word nie.
- Oorweeg energie-doeltreffende lugversorgers en verwarmers.
Geïsoleerde konstruksie
- Isolering in dakke en vensters kan help om temperature te reguleer, wat verwarmings- en verkoelingskoste verminder.
Gemeenskaplike bydraes
- Moedig gemeentelede aan om betrokke te raak deur fondsinsameling vir groen projekte of deur die kerk se water- en elektrisiteitsgebruik te monitor.
Huise
Elektrisiteitsbesparing:
- Skakel toestelle af wanneer dit nie gebruik word nie, eerder as om dit in “standby” te los.
- Gebruik timer-proppe om toestelle soos geysers en verwarmers outomaties aan en af te skakel.
Alternatiewe energiebronne
- Installeer klein sonkragtoestelle om basiese behoeftes soos beligting en laaibare toestelle aan te vul.
- Gebruik sonkrag-geyserstelsels, wat aanvanklike koste vereis, maar mettertyd aansienlike besparings bied.
Verhitting en verkoeling
- Gebruik dik gordyne, deure, en matjies om huise warmer te hou in die winter en koeler in die somer.
- Gebruik ventilasie slim, deur vensters vroegoggend oop te maak laatoggend en snags toe te hou.
Water en energie
- Gebruik waterbesparende toestelle soos laedruk-storte en kraanbelugters.
- Hergebruik gryswater vir tuinmaak, en oorweeg drupbesproeiing om waterverbruik te verminder.
