Inleiding

Hierdie dokument het ten doel om enige besoekers en/of gebruikers van die webtuiste ngkerkvrystaat.co.za in te lig oor die beleid van die NG Kerk Vrystaat met betrekking tot die insameling, gebruik en bekendmaking van persoonlike data wat versamel word wanneer jy die webtuiste besoek en enige besluite wat met daardie data gepaard gaan.

Vir die doel van hierdie privaatheidsdokument verwys ‘’platforms’’ na die NG Kerk Vrystaat se webtuiste, sosialemediarekeninge, en / of enige ander digitale kommunikasieplatforms wat jy kan gebruik om na ons webtuiste en /of sosiale media te skakel. ‘’Dienste’’ verwys na enige inhoud (op die webwerf of elders) wat deur die NG Kerk Vrystaat aangebied, besit, bedryf of gehuisves word.

Die NG Kerk Vrystaat en sy werknemers is verbind om jou privaatheid te beskerm.

Die NG Kerk Vrystaat besef ons verpligting om met vertroulikheid van jou persoonlike, inligting te beskerm en te respekteer. Besoekers en/of gebruikers se privaatheid is ‘n belangrike aspek, beide vir jou en die NG Kerk Vrystaat. Dit is waarom ons die NG Kerk Vrystaat die dokument oor die beskerming van privaatheid ontwikkel het, wat die gedrag van die NG Kerk Vrystaat werknemers en voorskryf met betrekking tot die akkuraatheid en sekuriteit van al jou inligting.

Hierdie terme en voorwaardes tree in werking sodra die besoekers of gebruikers vir die eerste keer toegang verkry tot hierdie webwerf en stel ‘n bindende ooreenkoms met die NG Kerk Vrystaat.

Om meer te leer oor die dokument en praktyke van die NG Kerk Vrystaat, lees asseblief die volgende:

• Beskerming van besoekers of gebruikers se inligting.
• Verantwoordelikheid vir die beskikbaarstelling van besoekers of gebruikers se inligting.
• Bewaring van persoonlike inligting.
• Aanlyn privaatheid.
• E-pos kommunikasie.
• Riglyne vir besoekers en/of gebruikers se verpligtinge.
• Reg om hierdie privaatheids- en sekuriteitsbeleid te wysig.

Beskerming van besoekers- of gebruikersinligting

Besoekers- of gebruikersinligting verwys na die inligting wat betrekking het op ‘n kliënt, ongeag of die kliënt ‘n individu of ‘n besigheid is. Die inligting sluit persoonlike besonderhede in soos naam, ouderdom, kliëntnommer, e-posadres, IP-adres (Internet Protocol), datum en tyd van webtuiste besoeke, besoekte bladsye tydens die gebruik van die webtuiste, en die internetadres.

Die NG Kerk Vrystaat gebruik hierdie inligting vir navorsing, beplanning, ondersoeke, sowel as om verbeterings aan die webtuiste se platform en inhoud aan te bring. Die tipe inligting wat versamel word, word afhanklik van die doel waarvoor dit benodig word om die dienste of inligting aan ons besoekers en gebruikers te voorsien.

Die NG Kerk Vrystaat mag die versamelde inligting ook vir die volgende redes gebruik:

• Om jou in kennis te stel van veranderinge in ons dienste of interaktiewe geleenthede volgens ons kalender.
• Die gebruik van die platform te monitor en sekere gebruikspatrone te analiseer en demografiese inligting te verkry. Hierdie statistieke is vertroulik.
• Ontleding en/of waardevolle inligting word vertroulik aan die bestuur van die platform(s) verskaf om sekere bestuursafdelings doeltreffend te ondersteun.
• Om enige tegniese probleme te identifiseer en doeltreffend reg te stel.
• Deur die uitstuur van ons tweeweeklikse nuusbrief (Vrypos), aan die spesifieke individue wat ingeteken het op die webtuiste en diens.
• Verdere inwinning van inligting vir die skepping van inhoud om doeltreffende inligting vir ons besoekers of gebruikers te verskaf.
• Vir die terugvoer wat aangevra is deur besoekers of gebruikers.
• Jou te kontak in verband met jou aanlyn besprekings, fakturering, ens.
• Jou te kontak indien die NG Kerk Vrystaat enige kompetisies of trekkinge gehou het waarvoor jy ingeskryf het.

Die bewaring van die besoekers en gebruikers se inligting is een van ons belangrikste verantwoordelikhede. Ons privaatheidsbeleid bepaal die gedrag van werknemers en verskaffers met betrekking tot die akkuraatheid, vertroulikheid en sekuriteit van alle besoekers en gebruikers se inligting.

Inligtingbeskermingsriglyne:

• Die NG Kerk Vrystaat sal nie inligting versamel sonder u vooraf verkregen toestemming nie.
• Dit bly die besoekers of gebruikers se vrywillige keuse om die NG Kerk Vrystaat platforms te gebruik..
• Indien ‘n besoekers of gebruikers jonger as 18 jaar is, moet daar toestemming vanaf ‘n ouer of voog verkry word voordat enige inligting van die individu geplaas word.
• Die meeste inligting wat ontvang word van die besoekers of gebruikers, word op ‘n databasis bewaar wat ingeboude veiligheidseienskappe het om die privaatheid en vertroulikheid van sodanige inligting te verseker.
• Die NG Kerk Vrystaat sal nooit enige besoekers of gebruikers se inligting verkoop of andersins beskikbaar stel aan enige ander organisasie of partye nie, behalwe in uitsonderlike gevalle soos uiteengesit in die deel oor besoekers- of gebruikersinligting.
• Dit word van werknemers vereis om die privaatheidstandaarde van die NG Kerk Vrystaat te onderskryf by diensaanvaarding.

Indien ons besoekers of gebruikers van ons aanlyn dienste gebruik maak, word gebruikersinligting op ons webtuiste geplaas. Ons gebruikers stem hiermee saam om akkurate inligting te verskaf en ons in kennis te stel van enige veranderinge. Dit is die gebruikers se verantwoordelikheid om nie ‘n valse identiteit te gebruik nie en slegs vir jouself inligting te plaas. Dit is ook die gebruikers se verantwoordelikheid om ‘n veilige intekennaam (gebruikersnaam) en sterk wagwoord te kies en te bewaar as dit vereis word. Die NG Kerk Vrystaat neem nie verantwoordelikheid vir enige toegang tot jou gebruikersrekening deur ander persone of vir enige veranderinge wat daartoe mag lei nie. As u vermoed dat jou gebruikersrekening misbruik word, stel ons asseblief so spoedig moontlik per e-pos in kennis.. (skakel@ngkvs.co.za) 

Beskikbaarstelling van besoekers- of gebruikersinligting – verantwoordelikheid

Gevalle waarin die NG Kerk Vrystaat toegelaat te word om die besoekers- of gebruikers inligting te openbaar, is die volgende:

• Deur jou gemagtig: Die NG Kerk Vrystaat bestaan uit verskeie afdelings; deur inligting met betrekking tot jou aan die verskillende afdelings te verskaf, kan ons jou effektief bedien.
• Wetlike vereistes: Ons sal slegs inligting voorsien wat spesifiek deur die wet vereis word.
• Noodsaaklik om die belange van die NG Kerk Vrystaat te beskerm: Bogenoemde sal nie gebruik word as rede vir die openbaarmaking van jou inligting (insluitend jou naam en adres) aan enige ander persoon vir bemarkingsdoeleindes nie. Basiese prosedures sal gevolg word om die belange van die NG Kerk Vrystaat te beskerm.
• In die openbare belang: Indien die NG Kerk Vrystaat versoek word om besoeker- of gebruikersinligting vir openbare belang doeleindes te verskaf, sal daar deeglike oorweging vooraf plaasvind voordat aan sodanige versoek voldoen word. Alle moontlike maatreëls sal getref word om te verseker dat die owerhede regmatig optree.
• Voorkoming en/of beheer van siektes en/of pandemies
• Die NG Kerk Vrystaat sal nie enige persoonlike inligting aan derde partye beskikbaar stel of voorsien vir onafhanklike gebruik nie.

Bewaring van persoonlike inligting

Persoonlike inligting wat deur die NG Kerk Vrystaat versamel word deur middel van die NG Kerk Vrystaat webtuiste, word in ‘n veilige omgewing bewaar.

Aanlyn Privaatheid

Die NG Kerk Vrystaat bevat hiperskakels na en vanaf ander webtuistes, mobiele toepassings en/of dienste van derde partye. Deur op hierdie hiperskakels te klik of hierdie konneksies te aktiveer, kan derde partye toegelaat word om inligting oor die persoon te versamel en te deel. Let asseblief daarop dat hierdie derde partye nie deur ons geëvalueer word nie en ons geen beheer oor hierdie derde partye het nie, en nie verantwoordelik is vir die privaatheidspraktyke van sodanige ander partye wanneer jy die NG Kerk Vrystaat platforms verlaat nie. Ons beveel aan dat jy die privaatheidsverklarings van elke webtuiste lees wat jy besoek en wat persoonlike inligting versamel.

E-pos Kommunikasie

Elektroniese kommunikasie vanaf die NG Kerk Vrystaat mag jou ingeplante inligting gebruik om nuusbriewe, e-posse, sms’e of WhatsApp-boodskappe aan jou te stuur met betrekking tot produkte en/of dienste van die NG Kerk Vrystaat. Die intekenaar sal die opsie hê om aan te dui of hy/sy sulke inligting in die toekoms wil ontvang. Indien jy op enige tydstip nie inligting meer wil ontvang nie, kan jy direk uitteken deur die uittekenopsie in die geval van die nuusbrief/Vrypos te kies. Die NG Kerk Vrystaat se kommunikasie- en bemarkingsafdeling kan direk hiervoor gekontak word. skakel@ngkvs.co.za

Private riglyne en besoekers- of gebruikersverpligtinge

Jy kan ook help om die sekuriteit van jou inligting te beskerm deur die volgende private riglyne en verpligtinge te volg:  

• Moenie jou identiteit (gebruikersnaam) of wagwoord met enige persoon deel nie.
• Wysig jou wagwoord op ‘n gereelde basis.
• Onthou om af te teken na ‘n aanlyn sessie.
• Moenie jou rekenaar sonder toesig laat terwyl jy aanlyn transaksies doen nie.
• Help die NG Kerk Vrystaat om akkurate rekords te hou deur ons in kennis te stel van veranderinge in jou situasie sodat ons ons rekords kan opdateer.
• Moenie enige vertroulike inligting deur middel van ongekodeerde e-pos stuur nie.
• Moenie jou persoonlike en finansiële inligting aan enige webwerf toevertrou wat jy nie ken of vertrou nie.

Reg om hierdi­­­­­­e privaatheids- en sekerheidstelling te wysig

Die NG Kerk Vrystaat behou die reg voor om hierdie dokument oor die beskerming van privaatheid te eniger tyd te wysig. Alle wysigings aan hierdie dokument oor die beskerming van privaatheid sal op die NG Kerk Vrystaat webtuiste gepubliseer word. Tensy anders bepaal, sal die huidige weergawe alle vorige weergawes van hierdie beleid oor die beskerming van privaatheid herroep en vervang.

Hersien: Februarie 2023