NG Gemeente Waterbron | Leraar

Die gemeente is 12 km van Bloemfontein geleë. Dit is hierdie jaar 90 j. oud. Bestaan uit 348 Belydende Lidmate en 94 Dooplidmate. Daar is tans 14 wyke, waarvan 4 plaaswyke en die res hoewes. Eredienste slegs in die oggende aangesien veiligheid van lidmate en leraar ʼn hoë prioriteit is. Meeste lidmate werk bedags in die stad. Gemeentelike aktiwiteite vind grootliks op Sondae plaas. Daar is ook ʼn Jeugsorgsentrum binne die gemeentegrense met 7 kinders en ʼn huismoeder, onder toesig van ENGO. Die gemeente se geloofsverklaring is as volg: 1. Ons glo in die Woord van God soos in Art. 1 van die Kerkorde deurgegee word as die heilige en onfeilbare Woord van die Here. 2. Ons onderskryf die drie Belydenisskrifte en die Apostoliese Geloofsbelydenis waar ons geloof in die Drie-enige God uiteengesit word. 3. Ons is oortuig dat die Gereformeerde leer veral gestalte vind in die 5 solas en daarom vorm dit die kern van die Evangelieverkondiging in die gemeente, nl. Die Woord alleen, Christus alleen, Genade alleen en aan God alleen die eer. 4. Ons bevestig dat ʼn huwelik slegs bestaan in die permanente verbintenis tussen een man en een vrou wat na die voorbeeld van Christus en sy gemeente ingerig moet word.