Gemeente Ondersteuning en Uitbreidingsfonds (GOUF)

GOUF-Uitbreiding is vir aanwending van gekose uitbreidingsprojekte. GOUF-Ondersteuning word vir gemeentes, waarvan die dravermoeë die meeste onder druk is, aangebied. Geïdentifiseerde gemeentes ontvang ‘n aanbod vir GOUF-Ondersteuning en oorweeg of die reëlings aanvaar word. Gemeentes onderneem om sperdatums na te kom, aan Kerkspieël deel te neem en fasilitering te ontvang voordat GOUF-Ondersteuning toegeken word. GOUF-Ondersteuning kan ook van die hand gewys word.

• Handel take voor onderstaande sperdatums af
• Onkoste van Kerkspieël en fasilitering word deur GOUF vergoed
• Boekjaar van begin Maart tot einde Februarie
• Fasiliteerders gee aan die einde van die proses terugvoer (vorm aangeheg)

Sperdatum 1 - Einde Januarie

• Aanvaar GOUF-Ondersteuning se aanbod per e-pos

Sperdatum 2 - Einde April

• Deelname aan Kerkspieël
• Bestel Kerkspieël-vorms van Ester Steyn (esters@ngkerk.org.za)
• Bestel een Kerkspieël-vorm vir elke erediensbywoner (aantal)
• Kondig datum van erediens aan waartydens Kerkspieël-vorms ingevul word
• Erediensbywoners vul Kerkspieël-vorms op ‘n Sondag in (bv na afloop van die erediens)
• Pos ingevulde Kerkspieël-vorms voor einde April aan Lisma Liebenberg (Posbus 11412, Universitas, 9321)

Sperdatum 3 = Einde Julie

• Gemeente kontak toegewysde fasiliteerders sodra Kerkspieël se terugvoer ontvang is
• Gemeente maak ‘n afspraak vir fasilitering met die fasiliteerders

Sperdatum 4 = Einde Oktober

• Fasilitering deur fasiliteerdes aan die hand van Kerkspieël se navorsing
• Fasilitering op dreef voor einde Oktober

Fasilitering

• Ringe of gemeentes klop aan vir fasilitering by die sameroeper, Christo Nel
• Die sameroeper sal 'n fasiliteringspan stuur na die ring of gemeente
• Fasiliteerders raak slegs betrokke op amptelike versoek, met opdrag van 'n gemeente of ring
• 'n Fasiliteringspan bestaan verkieslik uit 2 of meer fasiliteerders
• Terugvoer behoort aan die ring gegee te word
• Ring of gemeente staan in vir die fasiliteringskoste
• Fasiliteerder klaar tyd aan fasilitering spandeer, duidelik met eie gemeente uit

Fasilitering

Mediasie

Fasiliteringskoste

• Reiskoste @ R3.00 per km
• Fasilitering @ R150 per uur (reistyd ingesluit) - maksimum van R750 per dag
• Betaalbaar aan Bedieningsbegeleiding
• Bedieningsbegeleiding vergoed dan die fasiliteerders
• Indien u enige navrae het, kontak gerus die kantoor

Die VBO-Forum stel maandeliks ‘n aanlyn VBO-aanbieding op Hugenote Kollege se MyNotes elektroniese platform (http://mynotes.hugenote.com:85/) bekend. Beskikbare VBO’s op die platform, is:

VBO Dokumente

Die kuratorium van die Vrystaat hou opsig oor die teologiese opleiding van studente van die NG Kerk.

Die voorsitter van die kuratorium is ds Jan Lubbe, en die skriba is ds Johann Kemp. Benewens hierdie persone, is daar ‘n dagbestuur.

Die kerklike vorming van die teologiese studente word deur die Vrystaat seminarium behartig. Die seminarium staan onder die bestuur van dr Johan Nel.

Die kuratorium word deur vier steunspanne ondersteun:

• Steunspan vir Studentebediening (vir jaargroepe 1 tot 5) onder voorsitterskap van ds Chris de Vries.
• Steunspan vir Gemeentejaars (vir die 6e jaars) onder voorsitterskap van ds Cobus Hamman.
• Steunspan vir Akademiese Evaluering onder voorsitterskap van dr Deon Serfontein.
• Steunspan vir missionale bedieningsontwikkeling onder leiding van ds Peet Louw.

Wie is ons?

Deur middel van studie, beplanning, inligting, koördinering en begeleiding lewer ons ʼn bydrae tot die uitbou van die getuienis karakter (missionêre dimensie en -intensie) van gemeentes en die kerkverband. Ons beplan, begelei, koördineer en behartig die vennootskappe van die sinodale verband met gemeentes, mee werkende kerke en instansies met die oog op getuienis. Dan fasiliteer ons die vennootskapsverhouding met die susterkerke in die NG Kerkfamilie uit met die oog op groter kerkeenheid, voer die opdragte van die Sinode uit en lewer verslag aan die volgende Sinode, lewer ʼn bydrae tot die effektiewe publieke getuienis van die kerkverband, hanteer die beheer en administrasie van die sinodale begroting vir Vennote en Getuienis en die fondse en bates waarvoor Vennote in Getuienis verantwoordelik is, neem verantwoordelikheid vir die diens verhoudinge met alle personeel in diens van Vennote in Getuienis asook die pastorale versorging van personeel en hul gesinne en verteenwoordig die NG Kerk Vrystaat in die toepaslike sinodale liggame en in gesamentlike strukture met susterkerke en ander ekumeniese instansies.

Wat is ons vertrekpunt?

Getuienis is die wesenlike roeping van die kerk in al haar gestaltes en in haar gerigtheid op die wêreld. As omvattende Woordbediening vloei getuienis voort uit die sending van God Drie-enig (missio Dei) en geskied langs die kanale van verkondiging, gemeenskap, diens en aanbidding. Dit is die getuienis van die heil in Christus en staan in diens van die herstel van die omvattende vrede (shalom) in en tussen mense, in gemeenskappe en in die skepping.

Getuienis word meestal in vennootskap met gemeentes, kerke en ander instansies gedoen. Met vennootskap word veral ‘n formele, standhoudende verhouding tussen samewerkende partye bedoel en dit word gekenmerk deur wedersydse respek en ondersteuning, medeseggenskap en ‘n gedeelde roeping. Vennootskappe sluit egter ook netwerke, ekumeniese- en ander vorme van samewerking in. Vennootskapsverhoudinge met susterkerke is ‘n doelbewuste stap na groter eenwording.

Wat is ons visie en missie?

Visie: Dat NG Gemeentes in die Vrystaat as “gestuurde missionale gemeentes” gehoorsaam sal wees aan hul afsonderlike en gesamentlike roeping om “lig vir die wêreld” te wees.

Missie: Vennote in Getuienis ondersteun gemeentes in hul roeping tot diens en getuienis deur:

• Ondersteuning en begeleiding van gemeentes in hulle roeping tot diens en getuienis.
• Saam te besin oor die kerk se missionêr-diakonale (diens en getuienis) roeping.
• Bewusmaking, mobilisering en aktivering.
• Ondersteuning en begeleiding van projekte en werkers.
• Koördinering van werksaamhede, veral ten opsigte van spesifieke historiese velde.
• Inligting en skakeling.
• Voortsetting en uitbouing van bestaande gesamentlike werksaamhede.