Oorgeneem uit VrydagNuus Kaapkerk | 16 Junie 2023
Ons susterskerk in Malawi legitimeer 24 teologiestudente
Ons juig saam met ons susterskerk in Malawi, die CCAP Nkhoma Sinode, wat op 10 Junie 24 teologiestudente gelegitimeer het. Hulle word opgelei by die Josophat Mwale Teologiese Instituut (JMTI) wat al sedert 1993 bestaan. Van hul studente kom doen dikwels hul nagraadse studie in teologie aan die Universiteit Stellenbosch wat deur Getuienisaksie ondersteun word. Dr Daniël de Wet in die Wes-Kaap verseker dat ekumeniese bande sterk bly deur gereelde besoeke en kontak met die leierskap daar.
