NG Gemeente
Aandbloem
Ring
Bloemheuwel
Posisie
Deeltydse Leraar vastetermynpos
Sluitingsdatum
19 Februarie 2024
Diensaanvaarding
So gou as moontlik
Navrae
Mev Veronica Pretorius
051 407 7631
Gemeenteprofiel
Die NG Gemeente Aandbloem is gesetel in Bloemfontein binne die grense van die Engo Sentrum vir Bejaardes, met 580 lidmate.
Lidmate woon in verskeie wooneenhede asook in Ons Tuiste se versorgingseenheid vir verswakte bejaardes.
Die oorgrote meerderheid van die lidmate is ouer as sewentig jaar en die gemiddelde ouderdom is rondom 80 jaar.
Die gemeente is aktief oor ‘n groot spektrum van bedieninge waarby die lidmate ten volle betrokke is.
Leraarprofiel / ander
Die suksesvolle kandidaat moet verkieslik bokant die ouderdom van sestig jaar wees en onder sewentig jaar, in ontvangs van ‘n pensioen en oor eie behuising en vervoer beskik. Indien hy of sy getroud is moet die eggenoot ‘n meelewende lidmaat van die NG Kerk wees.
Pligte
Die suksesvolle aansoeker sal vir die volgende pligte verantwoordelik wees:
- Om as deel van ʼn leraar span verantwoordelik te wees vir die waarneem van Eredienste, Diens reekse soos Week van gebed, Pinkster, Bybelstudie en Begrafnisdienste.
- Sistematiese huisbesoek en ander pastorale besoeke is ʼn hoë prioriteit. Dit sluit in besoeke aan nuwe intrekkers, sterwensbegeleiding en hospitaal besoeke.
- Betrokke by sommige van die gemeentelike kommissies. Daar word van die suksesvolle kandidaat verwag om verpligtinge teenoor die Ring en Sinode en ander nie-gemeentelike organisasies tot die minimum te beperk, sodat die dienswerk in die Gemeente sy hoogste prioriteit sal geniet.
- Hy of sy moet ook geen ander werks- of studieverpligtinge hê nie.
Vergoeding
Die Kerkraad bied ‘n bruto besoldigingspakket per jaar aan, sonder enige behuisingsvoordele of ander byvoordele.
Hy of sy is geregtig op 42 dae verlof per jaar en een af naweek van Vrydagoggend tot Maandagaand per maand.
Aansoek
Skriftelike aansoeke met ‘n kort CV en ten minste twee getuigskrifte moet asseblief voor die 19 Februarie 2024 (indien moontlik vroeër) ingedien word by die gemeentebestuurder. Mev Veronica Pretorius (Ma-Vr 08h00-10h00) Adres: Van Heerdenweg 22, Wilgehof, Bloemfontein. Epos: aandbloem@engo.co.za Tel: (051)4077631
