Helpmekaar Vrystaat Beursfonds
Welkom by Helpmekaar Vrystaat Beursfonds
Met jou aansoek vir ‘n beurs is die volgende inligting baie belangrik:
Algemene Inligting | Instruksies
Aansoeke Sluitingsdatum: Die volledige aansoek en bylaes moet ingedien word voor of op 31 Januarie 2025.
Bygevoegde Voorwaardes: Die voorwaardes waaronder studiebeurse toegeken word, word hierby aangeheg. Lees dit asseblief noukeurig deur.
Aansoekvorm: Die aansoekvorm moet volledig voltooi wees. Indien nie, sal die aansoek nie oorweeg word nie.
Belangrike inligting: Indien die student van studierigting verander, sal geen verdere beurse toegeken word nie.
Vereiste Dokumente
Identiteitsdokument: Afskrifte van jou identiteitsdokument moet jou aansoek vergesel. Dit kan opgelaai word as 'n JPG- of PDF- formaat.
Vorm A: Volledige ingevulde Vorm A moet jou aansoek vergesel. Dit kan opgelaai word as 'n JPG- of PDF- formaat.
Voorwaardes
- Slegs studente wat aan die volgende voorwaardes voldoen sal in aanmerking kom vir ‘n toekenning uit hierdie beursfonds:
- Studente wie se ouers in die Vrystaat woon.
- Studente wat lidmaat is van een van die volgende kerke: NG Kerk, Nederduitse Hervormde Kerk, Gereformeerde Kerk, VGK of NGKA.
- Studente wat aan ‘n Vrystaatse instansie studeer en wat deur SAQA (South African Qualifications Authority) geakkrediteer is.
2. Studente moet elke jaar opnuut aansoek doen vir ‘n beurstoekenning.
3. Uitbetalings geskiet halfjaarliks vooruit met die ontvangs van jou jongste eksamenuitslae, en is onderworpe aan jou bevredigende akademiese-, en die Helpmekaar Uitreik-Aksie vordering.
4. In die geval dat ‘n student hom/haar wangedra of onder normale omstandighede nie bevredigend vorder nie, sal die uitbetaling van die toegestane beurs gestaak word.
5. Indien die student van studierigting verander, sal geen verdere beurse toegeken word nie.
6. Dit is slegs toeganklik vir studente wat vir hulle eerste kwalifikasie gaan studeer om aansoek te doen vir die beursfonds.
7. Aansoeke sluit op 31 Januarie 2025.
Helpmekaar
Uitreik-Aksie
Die Helpmekaar Vrystaat moedig studente aan om betrokke te raak by werksaamhede in hul eie gemeentes of deur deel te neem aan uitreik-aksies in hul gemeenskappe.
Toekennings wat aan studente gemaak word, word in twee dele uitbetaal. Die eerste helfte word uitbetaal na lewering van die student se uitslae en bewys van registrasie in die eerste semester. Om te kwalifiseer vir die uitbetaling in die tweede semester, moet die student:
Die Helpmekaar-dag bywoon.
Hierdie geleentheid word gedurende die eerste semester aangebied, waar die studente ingelig word oor oor die oorsprong van die Helpmekaarfonds en ‘n motiveringspreker die studente sal toespreek.
en
Bewys van ten minste twee uitreik-aksies wat gedurende die eerste semester bygewoon is. Die organiseerder of predikant moet die vorm invul en onderteken as bevestiging dat die student die uitreik-aktiwiteit bygewoon het. Voorbeelde van uitreik-aksies sluit in: hulp met kerkbasaar, sopkombuis, Street Store, gholfdag of enige ander een-dag uitreikgeleentheid.
of
Bewys van deurlopende betrokkenheid binne die gemeente. Voorbeelde van betrokkenheid sluit in: aanbied van kategese, deelname aan die tegniese span, deelname aan die musiekgroep, diens in die kerkraad of enige ander deurlopende aktiwiteit van die gemeente.
en
Bewys dat ten minste 50% van die eerste semester se vakke geslaag is.
AANSOEK VORM | Helpmekaar Vrystaat Beursfonds
Beursaansoeke | Bursary Applications
TERTIUS BOTHA
BESTUURDER: DEPARTEMENT ADMINISTRASIE EN INLIGTINGADMINISTRATION AND INFORMATION DEPARTMENT MANAGER
+27 (0)51 406 6700
+27 (0)82 879 7502
tbotha@ngkvs.co.za